Qadın və kişi voleybolçuların Yüksək Liqasında növbəti turun oyunlarının vaxtı bəlli olub.

Sportaze.az xəbər verir ki, qadınların liqasında XVI turun bütün görüşləri martın 5-də təşkil olunacaq. Günün ilk matçı Gəncədə reallaşacaq. “Gəncə” “Milli Aviasiya Akademiyası”nı qəbul edəcək. Oyun 15:00-da start götürəcək.

Saat 17:00-da “Abşeron” Gənclər və İdman Nazirliyinin Voleybol Mərkəzində “Murov Az Terminal”ı qəbul edəcək.

Son oyunda isə turnir cədvəlinin lideri “Azərreyl” UNEC-in qonağı olacaq. Saat 18:00-da start götürəcək qarşılaşma UNEC-in idman zalında keçiriləcək.

Kişilərin çempionatı martın 6-da başlayacaq. “Neftçi” “Murov Az Terminal”ın idman zalında MOİK-i qəbul edəcək. Görüş 17:00-da oynanılacaq.

Martın 7-si eyni saatda isə “Murov Az Terminal” Gənclər və İdman Nazirliyinin Voleybol Mərkəzində “Azərreyl”i qəbul edəcək.