Formula 1 Azərbaycan Qran-Prisi üçün marşal qeydiyyatı başlayıb
Bakı Şəhər Halqası (BŞH) Əməliyyat Şirkətinin tərkibində fəaliyyət göstərən Bakı Marşal Klubu (BMK) Formula 1 üzrə Azərbaycan Qran-Prisinin marşal qeydiyyatı proqramına start verib.
BŞH-in mətbuat xidmətindən Sportaze.az saytına verilən məlumata görə, yaşayış yerindən asılı olmayaraq, yaşı 21-dən çox olan hər kəs proqrama qoşula bilər.
Proqrama cəlb ediləcək marşallar Qran-Prinin əvəzolunmaz bir parçası olmaq, eyni zamanda, yarış həyəcanını trekə ən yaxın məsafədən yaşamaq imkanı qazanacaqlar.
Yarış həftəsonunu uğurla başa çatdıran hər bir marşala Azərbaycan Avtomobil Federasiyasının təqdim etdiyi Beynəlxalq Avtomobil Federasiyası (FİA) tərəfindən qəbul olunmuş beynəlxalq lisenziya təqdim olunacaq. Bu lisenziya marşallara təkcə Azərbaycanda deyil, Formula 1 üzrə Qran-Pri və digər avtoidman yarışlarına ev sahibliyi edən digər ölkələrdə keçiriləcək turnirlərə də qatılmaq hüququ verəcək.
Bənzər xəbərlər
Sərbəst güləşçilər Avropa çempionatı və lisenziya turnirinə
personAdmin 12-01-24, 17:41Sərbəst güləş üzrə Azərbaycan millisi növbəti təlim-məşq toplanışına başlayıb. Azərbaycan Güləş Federasiyasından...
Avropa çempionatı: Azərbaycan gimnastları komanda hesabında
personAdmin 22-05-24, 22:01Macarıstanın Budapeşt şəhərində keçirilən bədii gimnastika üzrə Avropa çempionatında milli komandamızın gənc fərdi...
Xankəndi-Bakı ultra marafonuna start verilib
personAdmin 29-02-24, 11:07İlk dəfə keçirilən Xankəndi–Bakı ultra marafonuna start verilib. Sportaze.az xəbər verir ki, yarışdan öncə açılış...





