Bakıda idman gimnastikası üzrə Dünya Kubokunun açılış mərasimi olub
Bakıda idman gimnastikası üzrə Dünya Kubokunun açılış mərasimi keçirilib.
Sportaze.az-ın məlumatına görə, tədbir Milli Gimnastika Arenasında baş tutub.
İlk olaraq iştirakçı ölkələrin bayraqları zala gətirilib. Ardından söz gənclər və idman naziri Fərid Qayıbova verilib.
Nazir iştirakçılara uğurlar arzulayıb: "Artıq neçənci ildir ki, ölkəmizdə Dünya Kuboku keçirilir. İldən-ilə iştirakçıların sayı artır. İl ərzində ən azı 3 Dünya Kubokuna ev sahibliyi edirik. Buna görə Azərbaycan Gimnastika Federasiyasının prezidenti Mehriban Əliyevaya təşəkkürümü bildirirəm".
Sonda Dövlət Himni səsləndirilib.
Qeyd edək ki, 67 ölkədən 300-ə yaxın idmançının iştirak edəcəyi Dünya Kubokuna martın 10-da yekun vurulacaq. Yarışda Azərbaycanı Nikita Simonov (halqalar), İvan Tixonov (dəstəli at, dayaqlı tullanma, paralel qollar, turnik), Rəsul Əhmədzadə (dəstəli at, paralel qollar), Mənsum Səfərov (turnik, sərbəst hərəkətlər), Murad Ağarzayev (sərbəst hərəkətlər) və Nazənin Teymurova (dayaqlı tullanma, gimnastika tiri, sərbəst hərəkətlər) təmsil edəcəklər.
Dördgünlük yarışların yekununda ən yüksək icra xalı toplamış gimnastlara ənənəvi “AGF Trophy” Kuboku təqdim olunacaq.
Bənzər xəbərlər
Formula 1-in sahibi MotoGP-ni almağı planlaşdırır
personAdmin 28-03-24, 14:18Formula 1-in sahibi olan "Liberty Media" MotoGP və WorldSBK motosiklet yarışlarının hüquqlarına sahib olan...
Azərbaycan idmançıları Oktaqon Liqasında iştirak edəcəklər
personAdmin 22-12-23, 17:08MMA döyüşçümüz Qazaxıstanda kəmər uğrunda döyüşə çıxacaq. Qazaxıstanın Almatı şəhərində Oktaqon Liqasının 53-cü...
Formula 1 Azərbaycan Qran-Prisi üçün marşal qeydiyyatı
personAdmin 05-02-24, 10:55Bakı Şəhər Halqası (BŞH) Əməliyyat Şirkətinin tərkibində fəaliyyət göstərən Bakı Marşal Klubu (BMK) Formula 1 üzrə...





