Türkiyədəki beynəlxalq turnirdə iştirak edəcək Azərbaycan güləşçiləri bəlli olub
Martın 7-də Türkiyənin Antalya şəhərində start götürəcək “Yaşar Doğu və Vehbi Əmrə” turnirində iştirak edəcək Azərbaycan güləşçiləri bəlli olub.
Sportaze.az xəbər verir ki, martın 10-dək davam edəcək ənənəvi yarışda ölkəmizi 2 komanda təmsil edəcək.
Yunan-Roma güləşi üzrə millinin üzvləri məşqçilər Kamran Məmmədovla Zöhrab Abbasovun rəhbərliyi altında güləşəcəklər. Qarşıdakı iki gündə Fərid Sadıxlı, Tural Mehtiyev (hər ikisi 55 kq), Nihad Quluzadə, Elmir Əliyev, İlkin Qurbanov (hamısı 60 kq), Ziya Babaşov (63 kq), Urfan Həsənli (72 kq), Tuncay Vəzirzadə (82 kq) və Laçın Vəliyev (87 kq) xalçaya çıxacaqlar.
Turnirin son iki günündə məşqçilər Taymuraz Kokoyevlə Əşrəf Əliyevin rəhbərliyi altında sərbəst güləşçilər mübarizə aparacaqlar. Heyətdə Ceyhun Allahverdiyev (61 kq), Zirəddin Bayramov, Murad Haqverdiyev, Musa Ağayev (hamısı 65 kq), Maqomed-Başir Xaniyev, Sabir Cəfərov (hər ikisi 70 kq), Cəbrayıl Qadjiyev, Murad Yevloyev (hər ikisi 74 kq), Əşrəf Aşırov, Ramiz Həsənov (hər ikisi 79 kq), Şamil Zubairov, Abdulcəlil Şabanov (hər ikisi 92 kq) və Qadjimurad Maqomedsaidov (97 kq) yer alıb.
Yarışda beynəlxalq dərəcəli hakimlərimizdən Əli Babayev və Elgün Məmmədov ədaləti qoruyacaq.
Bənzər xəbərlər
Azərbaycan millisinin Qran-Pri turniri üçün heyəti açıqlanıb
personAdmin 06-01-24, 15:24Qadın cüdoçulardan ibarət Azərbaycan millisinin Qran-pri turnirinə qatılacaq heyəti müəyyənləşib. Sportaze.az xəbər...
Bakıda idman gimnastikası üzrə Dünya Kubokunun açılış
personAdmin 07-03-24, 12:43Bakıda idman gimnastikası üzrə Dünya Kubokunun açılış mərasimi keçirilib. Sportaze.az-ın məlumatına görə, tədbir Milli...
Sabiq Baş İdarə rəisi Həmid Nəsirov yeni vəzifəyə təyin
personAdmin 03-07-24, 11:27Ləğv olunmuş Gəncə Şəhər Gənclər və İdman Baş İdarəsinin rəisi Həmid Nəsirov Dövlət Turizm Agentliyinin müvafiq əmri...





