“AGF Trophy” beynəlxalq turnirində iştirak edəcək Azərbaycan gimnastları müəyyənləşib
Bakıda keçiriləcək “AGF Trophy” beynəlxalq turnirində iştirak edəcək Azərbaycan idman gimnastları müəyyənləşib.
Azərbaycan Gimnastika Federasiyasından Sportaze.az-a verilən məlumata görə, yarışda ölkəmizi böyüklər arasında Nikita Simonov (halqalar), İvan Tixonov (çoxnövçülük), Rəsul Əhmədzadə (çoxnövçülük), Mənsum Səfərov (sərbəst hərəkətlər, dayaqlı tullanma, turnik), Murad Ağarzayev (sərbəst hərəkətlər, dəstəli at, halqalar, dayaqlı tullanma, parallel qollar), gənclər arasında Nihat Muradlı (çoxnövçülük) və Aydın Əlizadə (çoxnövçülük) təmsil edəcəklər.
Yarışın ilk iki günündə təsnifat, son günündə isə final mərhələsi keçiriləcək.
Turnirdə Azərbaycanla yanaşı, Kanada, İran, Qazaxıstan, Ukrayna, Özbəkistan, Gürcüstan idmançıları qüvvələrini sınayacaqlar.
Böyüklər və gənclər arasında yarış Beynəlxalq Gimnastika Federasiyası tərəfindən təsdiq olunub. Yarışda yeniyetmələr də öz qüvvələrini sınayacaqlar.
Bənzər xəbərlər
Xankəndi-Bakı ultra marafonuna start verilib
personAdmin 29-02-24, 11:07İlk dəfə keçirilən Xankəndi–Bakı ultra marafonuna start verilib. Sportaze.az xəbər verir ki, yarışdan öncə açılış...
Azərbaycan Şahmat Federasiyasının daha bir hakimi A
personAdmin 05-02-24, 16:56Azərbaycan Şahmat Federasiyasının daha bir hakimi A kateqoriyalı hakim statusu alıb. Qurumdan Sportaze.az saytına...
Azərbaycan idmançısı Moskvada üç qızıl medal qazanıb
personAdmin 06-04-24, 14:53Azərbaycan təmsilçisi Aydın Əlibəyov Rusiyanın paytaxtı Moskvada atçılığın dresaj növü üzrə keçirilən "Maksima...





