Futbol üzrə Yaponiya millisinin 11 oyunluq qələbə seriyasına son qoyulub.

Sportaze.az xəbər verir ki, bu, Asiya Kubokunda İraqa qarşı keçirilən oyunda baş verib.

D qrupunun II turunda reallaşan görüşdə iraqlılar sensasiyaya imza ataraq, 2:1 hesablı qələbə qazanıblar. Bu nəticə ilə xallarının sayını 6-ya yüksəldən İraq qrup liderliyini ələ keçirib. Yaponiyanın isə hesabında 3 xal var.

Qeyd edək ki, Yaponiya qrupda son oyununu yanvarın 24-də İndoneziyaya qarşı keçirəcək.