Avropa Voleybol Konfederasiyası növbəti dəfə həmyerlilərimizə etimad göstərib.

Sportaze.az saytı xəbər verir ki, beynəlxalq dərəcəli hakimimiz Eldar Zülfüqarov və Azərbaycan Voleybol Federasiyasının Beynəlxalq əməkdaşlıq üzrə meneceri Nərgiz İsmayılova avrokubok yarışlarına təyinat alıblar.

E.Zülfüqarov kişi voleybolçular arasında Çempionlar Liqasında C qrupunda mübarizə aparan “Halkbank ANKARA” (Türkiyə) və “Gas Sales Daiko PIACENZA” (İtaliya) komandalarının matçını idarə edəcək. Qarşılaşma yanvarın 10-da yerli vaxtla saat 20:00-da “TVF Sport Complex Baskent Sports Hall”da  keçiriləcək.

N.İsmayılova da kişi voleybolçular arasında Çempionlar Liqasına təyinat alıb. O, yanvarın 10-da B qrupunda baş tutacaq “ACH Volley ” (Sloveniya) və “TRENTINO İtas” (İtaliya) komandalarının oyununda hakimlərin işinə qiymət verəcək.