Qadınlardan ibarət 3x3 basketbol yığmamız Serbiyadakı hazırlıqların ilkin mərhələsini yekunlaşdırıb.

Sportaze.az xəbər verir ki, komandamızın təlim-məşq toplanışının birinci mərhələsi Novi Sad şəhərində baş tutub.

Hazırlıq prosesində Dina Ulyanova, Tatyana Deniskina, Alexi Mollenhauer və Mersedes Ualker iştirak ediblər.

Bakıya qayıdan kollektiv 23-24 mart tarixlərində Fransanın Tuluza şəhərində keçiriləcək hazırlıq turnirində iştirak edəcək.

Basketbolçularımız martın 26-da Serbiyada toplanışın ikinci hissəsinə start verəcək.

Qeyd edək ki, təlim-məşqlər “Paris-2024” Olimpiya oyunlarına vəsiqə verən təsnifat mərhələsinə hazırlıq xarakteri daşıyır.

Olimpiadaya lisenziya yarışları 12-14 aprel tarixlərində keçiriləcək.