Xorvatiyada keçirilən güləş üzrə “Zaqreb Open” turnirində kişilərdən ibarət Azərbaycan millisinin daha bir üzvü bürünc medal qazanıb.

Sportaze.az xəbər verir ki, yarışın ilk günündə 74 kiloqram çəki dərəcəsində mübarizə aparan Cəbrayıl Qadjiyev bürünc medal uğrunda görüşdə isveçrəli Tobias Portmandan güclü olub – 5:3.

Qeyd edək ki, bundan əvvəl Əliabbas Rzazadə və Nürəddin Novruzov (hər ikisi 61 kiloqram) fəxri kürsüyə qalxıblar. Bununla da Azərbaycan millisi reytinq turnirinin ilk gününü üç medalla başa vurub.