Mövsümün ikinci hissəsinə hazırlıq məqsədilə Türkiyəyə yollanacaq "Turan Tovuz" komandasının yoxlama görüşlərindəki rəqibləri bəlli olub.

Sportaze.az kluba istinadla xəbər verir ki, yanvarın 17-dək Antalyada hazırlıq keçəcək Tovuz təmsilçisi ilk yoxlama oyununa yanvar 9-da çıxacaq. Rəqib Rumıniya yüksək liqa təmsilçisi “Voluntari” olacaq.

Hazırlıq çərçivəsində növbəti oyunlar isə yanvarın 15-də reallaşacaq. Həmin gün baş məşqçi Ayxan Abbasov komandasını iki görüşdə sınaqdan keçirəcək. Günün ilk oyununda komanda Macarıstan təmsilçisi “Şiofok”la qarşılaşacaq. İkinci oyundakı rəqib isə Özbəkistan yüksək liqa təmsilçisi “Nasaf” olacaq.