Bakıdakı Dünya Kubokunda Azərbaycanı təmsil edəcək idman gimnastları müəyyənləşib
Bakıda keçiriləcək Dünya Kubokunda Azərbaycanı təmsil edəcək idman gimnastları müəyyənləşib.
Azərbaycan Gimnastika Federasiyasından Sportaze.az saytına verilən məlumata görə, kişilər arasında Nikita Simonov halqalar, İvan Tixonov 6 alətin hər birində, Rəsul Əhmədzadə sərbəst hərəkətlər, dəstəli at və paralel qollar, Mənsum Səfərov isə dayaqlı tullanma və turnikdə bacarıqlarını nümayiş etdirəcəklər.
Qadınlar arasında isə Nazənin Teymurova 4 alətin hər birində, Samirə Qəhrəmanova gimnastika tiri və sərbəst hərəkətlərdə mübarizə aparacaq.
“Paris-2024” Yay Olimpiya Oyunlarına lisenziya xarakteri daşıyan turnirdə 70 ölkədən idmançıların iştirakı gözlənilir. Yarışların yekununda ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.
Milli Gimnastika Arenasında təşkil olunacaq idman gimnastikası üzrə Dünya Kuboku martın 7-10-da baş tutacaq.
Bənzər xəbərlər
Azərbaycan ilə Çexiyanın antidopinq qurumları arasında
Bakıda Azərbaycan Milli Antidopinq Agentliyi (AMADA) ilə Çexiya Antidopinq Komitəsinin rəhbərliyi arasında...
Lamiyə Vəliyeva Azərbaycanın paralimpiya tarixinə düşüb
Karyerasında 4-cü dəfə dünya çempionu olan paraatlet Lamiyə Vəliyeva Azərbaycanın paralimpiya tarixinə düşüb. Milli...
Azərbaycanın fiqurlu konkisürəni Səbinə Əliyeva dünya
Azərbaycanın fiqurlu konkisürəni Səbinə Əliyeva dünya çempionatına vəsiqə qazanıb. Azərbaycan Qış İdman Növləri...