Heydər Əliyev adına İdman-Konsert Kompleksində MMA zalı istifadəyə verilib.

Gənclər və İdman Nazirliyinin mətbuat xidmətindən Sportaze.az saytına verilən məlumata görə, açılış mərasimində gənclər və idman naziri Fərid Qayıbov, nazir müavini Mariana Vasileva iştirak ediblər.

Nazir idman zalına baxış zamanı buradakı şərait, qarşıda duran işlər barədə mütəxəssislərlə fikir mübadiləsi aparıb və müvafiq tövsiyələr verib. F. Qayıbov həmçinin idmançı və məşqçilərlə söhbət edib, onların hazırlıqları ilə maraqlanıb.