"Sumqayıt" qış təlim-məşq toplanışında 1 yoxlama görüşü keçirəcək

“Sumqayıt” qış təlim-məşq toplanışında 1 yoxlama görüşü keçirəcək.

Sportaze.az xəbər verir ki, "gənclik şəhəri" təmsilçisi yanvarın 5-də Sumqayıtda toplanacaq və hazırlıq prosesi “Kapital Bank Arena”da baş tutacaq.

Vaqif Cavadovun rəhbərlik etdiyi kollektiv bu müddət ərzində bir yoxlama oyununda qüvvəsini sınayacaq. Yanvarın 10-11-də keçiriləcək qarşılaşmadakı rəqibin kimliyi məlum deyil.

Qeyd edək ki, “Sumqayıt” III dövrənin ilk qarşılaşmasını yanvarın 18-də evdə “Səbail”ə qarşı keçirəcək.

"Turan Tovuz"un futbolçusu əməliyyat olunub

"Turan Tovuz" klubunun futbolçusu Faiq Hacıyev əməliyyat olunub.

Sportaze Tovuz təmsilçisinə istinadla xəbər verir ki, sol qasıq kanalında yırtıq diaqnozu qoyulan futbolçunun əməliyyatı uğurlu keçib.

İstanbulda baş tutan əməliyyatdan 2 gün sonra futbolçu ev şəraitində müalicəyə buraxılacaq. O, həkimlərin rəyindən asılı olaraq təxminən bir həftə sonra fərdi məşqlərə başlaya biləcək.

Azərbaycanın beynəlxalq dərəcəli hakim-inspektoru təyinat alıb

Azərbaycanın futzal üzrə beynəlxalq dərəcəli hakim-inspektoru Elçin Səmədli təyinat alıb.

Sportaze.az Futzal Federasiyasının mətbuat xidmətinə istinadən xəbər verir ki, o, AVRO-2026-nın əsas mərhələsinin III qrupunda keçiriləcək Türkiyə - Polşa matçında iş başında olacaq.

Qeyd edək ki, oyun dekabrın 17-də, Bakı vaxtı ilə saat 17:00-da Ərzurum şəhərində baş tutacaq.

"Neftçi" - "Qarabağ" oyununda mövsümün azarkeş rekordu qeydə alınıb

Misli Premyer Liqasının XV turunda keçirilmiş "Neftçi" - "Qarabağ" oyununda mövsümün azarkeş rekordu qeydə alınıb.

Sportaze.az xəbər verir ki, "Neftçi Arena"da baş tutan Azərbaycan derbisini tribunadan 7069 tərəfdar izləyib.

Buna qədər cari mövsümün rekordu da məhz Ağdam təmsilçisinin matçında qeydə alınıb.

"Köhlən atlar"ın IX turda səfərdə "Sumqayıt"ı məğlub etdiyi (1:0) görüşdə 7000 fanat olub.

Qeyd edək ki, "Qarabağ" "Neftçi"ni üç cavabsız qolla üstələyib.

"Şəmkir" klubunun yeni baş məşqçisi müəyyənləşib

Futbol üzrə İkinci Liqa təmsilçisi "Şəmkir" klubunun yeni baş məşqçisi müəyyənləşib.

Komanda Vüqar Nadirov ilə 1+1 illik müqavilə imzalayıb.

Mütəxəssis son olaraq İkinci liqanın digər təmsilçisi "Hypers Guba"nı çalışdırıb.

Qeyd edək ki, “Şəmkir” klubu hazırda 13 xalla turnir cədvəlinin altıncı pilləsində qərarlaşıb.

“Qarabağ” klubu UEFA Çempionlar Liqasının “play-off” mərhələsinə yüksəlib

UEFA Çempionlar Liqasının III təsnifat mərhələsi çərçigvəsində Bolqarstanın “Ludoqorets” və Azərbaycanın “Qarabağ” komandaları arasında cavab oyunu keçirilib.

Sportaze.az xəbər verir ki, oyunun 90 dəqiqəsi “Qarabağ”ın 3:2 hesablı üstünlüyü ilə sona çatıb.

Komandalar arasında ilk matç “Ludoqorets”in 1:2 hesablı qələbəsi ilə yekunlaşdığından, qarşılaşmada əlavə vaxt oynalıb.

Yekunda 2-7 hesabı qeydə alınıb. Bununla da Azərbaycanın “Qarabağ” komandası UEFA çempionlar liqasının “play-off” mərhələsinə yüksəlib.

Qollar:

Qarabağ: Juninyo 7’, Yassin Benzia 45+1’(p), 118’, Andrade 45+5’, 112’, Toral Bayramov 112’, Cica 110’.

Ludoqorets: Kvadvo Dua 13’, 23’(p).

Çempionlar Liqası: “Qarabağ”ın “Ludoqorets”lə keçirəcəyi oyunların hakimləri müəyyənləşib

UEFA Çempionlar Liqasının III təsnifat mərhələsi çərçivəsində “Qarabağ”ın Bolqarıstan klubu “Ludoqorets”lə keçirəcəyi hər iki oyunu idarə edəcək hakimlər açıqlanıb.

Sportaze.az AFFA-nın rəsmi saytına istinadən xəbər verir ki, UEFA Bakıdakı ilk görüşü İsveçrədən, Razqraddakı cavab qarşılaşmasını isə İtaliyadan olan hakimlər briqadasına həvalə edib:

20:00. “Qarabağ” – “Ludoqorets”

6 avqust. Tofiq Bəhramov adına Respublika Stadionu.

Baş hakim: Urs Schnyder

Baş hakimin köməkçiləri: Marco Zürcher, Benjamin Zürcher

Dördüncü hakim: Sven Wolfensberger

VAR hakimləri: Fedayi San, Johannes von Mandach

(Hakimlər briqadası İsveçrədəndir)

22:00. “Ludoqorets” - “Qarabağ”

13 avqust. Ludoqorets Arena.

Baş hakim: Simone Sozza

Baş hakimin köməkçiləri: Giorgio Peretti, Davide İmperiale

Dördüncü hakim: Matteo Marchetti

VAR hakimləri: Gianluca Aureliano, Marco Serra

(Hakimlər briqadası İtaliyadandır)

Xatırladaq ki, II təsnifat mərhələsində Qurban Qurbanovun yetirmələri Cəbəllütariqin “Linkoln” komandasını, Bolqarıstan təmsilçisi isə Minsk “Dinamo”sunu mübarizədən kənarlaşdırıb.

"Sabah" - "Makkabi" oyununa 4500 bilet satılıb

"Sabah" və İsrailin "Makkabi" (Hayfa) komandaları arasında keçiriləcək UEFA Konfrans Liqasının II təsnifat mərhələsinin cavab oyununa indiyədək satılmış biletlərin sayı bəlli olub.

Sportaze.az xəbər verir ki, bu barədə Bakı klubunun mətbuat xidməti məlumat yayıb.

Sözügedən qarşılaşmaya 4500 bilet satılıb.

Biletləri "iticket.az" saytından, həmçinin “Bank Respublika Arena” stadionunun kassalarından, “iticket”in “28 Mall” və “Gənclik Mall”dakı satış məntəqələrindən əldə etmək mümkündür.

Qeyd edək ki, "Sabah" və "Makkabi" arasında cavab matçı avqustun 1-də Masazırda, "Bank Respublika Arena"da keçiriləcək. Görüşün start fiti saat 20:00-da səsləndiriləcək. Macarıstanda baş tutan ilk oyunda Azərbaycan klubu 3:0 hesablı qələbə qazanıb.

Peşəkar Futbol Liqasının yeni himni hazırlanıb

Peşəkar Futbol Liqasının (PFL) yeni himni hazırlanıb.

Sportaze.az qurumun rəsmi saytına istinadən xəbər verir ki, himnin sözləri Cavid Şahbazbəyova, musiqisi İsa Məlikova aiddir.

Milyonlarla ürəyə yol tapmış futbolu, ona sevgini özündə ehtiva edən himndə azarkeşlərin hiss və həyəcanı, futbolda azarkeş-oyunçu vəhdəti kimi ideyalar ifadə olunub.

Himnin bəstəkarı İsa Məlikov təəssüratlarını bölüşüb: “PFL-in himnini yazmaq kimi məsuliyyətli bir işin mənə həvalə olunmasına sevindim və fəxr etdim. Belə etimada görə PFL rəhbərliyinə və onun bütün komandasına təşəkkür edirəm. Bu layihə üzərində işləmək həqiqətən gözəl idi. Əminəm ki, bu himnin sədaları altında futbolçularımız parlaq qələbələr nümayiş etdirəcəklər”.

Himnin sözlərinin müəllifi Cavid Şahbazbəyov futbol azarkeşi olmasının ona əlavə ruh verdiyini, yeni əsərinin yeni uğurlara çağırış olacağına ümidini ifadə edib:

“Himndə vermək istədiyim əsas ideya futbolun azarkeşlər üçün oynanılmağı, bu səbəbdən də oyunçu və fanatların matç ərzində nəbzinin bir vurmağıdır. Əsas istək azarkeşlərin tribunada komandasını dəstəkləməsi, futbolçuların isə meydançada qələbə üçün can qoymasıdır.

İnanıram ki, Azərbaycan futboluna maraq artmağa davam edəcək, insanlarımız asudə vaxtlarını stadionda keçirəcək.

Bu layihədə iştirakla bağlı təklif alanda çox sevindim, çünki futbolu sevirəm. Uşaqlıqdan futbolla məşğul olmuşam, oynamışam, azarkeşi olmuşam. Buna görə də futbol azarkeşləri, camiəsi üçün bu sevgini şeiriyyata tökmək çox həyəcanverici, eyni zamanda məsuliyyətli vəzifə idi. Layihəni şair kimi yaradıcılığıma böyük bir çağırış olaraq gördüyüm üçün çox böyük məmnuniyyətlə təklifi qəbul etdim.

Bir azarkeş, futbolu sevən şəxs, Azərbaycan vətəndaşı olaraq çox xoşbəxtəm ki, bu işdə az da olsa mənim də əziyyətim var. Himni hər dəfə stadionda eşitmək mənim üçün qürurverici, eyni zamanda ikiqat bayram olacaq”.

Qeyd edək ki, himn stadionların infrastrukturuna əsasən futbolçuların meydançaya çıxma məsafəsindən asılı olaraq 3 ölçüdə tərtib olunub.

Çempionlar Liqası: "Qarabağ" bu gün Bakıda cavab matçına çıxacaq

"Qarabağ" UEFA Çempionlar Liqasında növbəti oyununu bu gün keçirəcək.

Sportaze.az xəbər verir ki, Qurban Qurbanovun baş məşqçisi olduğu kollektiv II təsnifat mərhələsinin cavab görüşündə Cəbəllütariqin “Linkoln” klubunu qəbul edəcək.

Tofiq Bəhramov adına Respublika stadionundakı qarşılaşma saat 20:00-da start götürəcək.

Matçın baş hakimi danimarkalı Yakob Sandberq olacaq.

Qeyd edək ki, səfərdəki oyunda Azərbaycan təmsilçisi qələbə qazanıb - 2:0.